Quranthelivurai – Exposition of Quran in Tamil

55. அர் ரஹ்மான் (அருட்கொடையாளன்):

بِسْمِ ٱللَّهِ ٱلرَّحْمَٰنِ ٱلرَّحِيمِ

55:0.அளவற்ற அருளாளனும் நிகரற்ற அன்புடையோனுமாகிய அல்லாஹ்வின் அறிவுரைப்படியே அனைத்துக் காரியங்களையும் செய்ய நாடுகிறேன். (பார்க்க 6:162)

ٱلرَّحْمَٰنُ.

55:1. யாதொரு பிரதிபலனையும் எதிர்பார்க்காத அருட்கொடையாளனாக இருக்கும் ஏக இறைவனிடமிருந்து வரும் வழிகாட்டுதல் இது.

عَلَّمَ ٱلْقُرْءَانَ.

55:2. மனிதனுக்கு வேண்டிய வாழ்வாதாரம் மற்றும் ஒழுக்க மாண்புகள் சம்பந்தப்பட்ட அனைத்து விஷயங்களும் இந்த குர்ஆன் மூலம் கற்றுத் தரப்படுகின்றன.

خَلَقَ ٱلْإِنسَٰنَ.

55:3. மனிதனை படைத்த ஏக இறைவனிடமிருந்து இறக்கி அருளப்படும் வழிகாட்டுதல் இது.

عَلَّمَهُ ٱلْبَيَانَ.

55:4. மனிதனுக்கு வேண்டிய வாழ்க்கை நெறிமுறைகள் அனைத்தையும் மிகத் தெளிவான முறையில் எடுத்துரைக்கும் வேதமிது.

ٱلشَّمْسُ وَٱلْقَمَرُ بِحُسْبَانٍۢ.

55:5. மேலும் சூரியனையும் சந்திரனையும் தத்தம் வட்டரையில் மிகச் சரியாக கணக்கிட்டு சுற்றிவரச் செய்த இறைவனின் வழிகாட்டுதலாகும்.

وَٱلنَّجْمُ وَٱلشَّجَرُ يَسْجُدَانِ.

55:6. கிளைகள் இல்லாத செடிகொடிகளும், கிளைகள் அடங்கிய மரங்களும், யாருடைய கட்டளைக்கு கட்டுப்பட்டு செயல்படுகின்றனவோ, அந்த ஏக இறைவனிடமிருந்து இறக்கி அருளப்படும் வேதமிது.

وَٱلسَّمَآءَ رَفَعَهَا وَوَضَعَ ٱلْمِيزَانَ.

55:7. வானத்தை விதானமாகவும் அதிலுள்ள ஒவ்வொன்றையும் சரியான அளவுகோலுடன் சமச்சீர்நிலையில் இயக்கி வைத்த இறைவனிடமிருந்து இறக்கி அருளப்படும் வேதமிது.
அதாவது உலகப் படைப்புகளையும் (Creations) உலகைச் சுற்றியுள்ள தட்பவெப்ப நிலை மற்றும் பல்வேறு சக்திகளையும் (atmospheric or cosmic balance) ஆராய்ந்து பாருங்கள். அவை எல்லாம் தத்தம் வட்டரைக்குள் சரியான அளவுகோலின் படி (equilibrium - மில்) செயல்பட்டு வருகின்றன.

أَلَّا تَطْغَوْا۟ فِى ٱلْمِيزَانِ.

55:8. இறைவனின் படைப்புகளில் எவ்வித ஏற்றத்தாழ்வும் இல்லாமல் சிறப்பாக செயல்படுவது போலவே, மனித உலகிலும் எவ்வித ஏற்றத்தாழ்வும் இல்லாத சமச்சீரான சமுதாயத்தை உருவாக்கிட இந்த வழிகாட்டுதல் அளிக்கப்படுகிறது.

وَأَقِيمُوا۟ ٱلْوَزْنَ بِٱلْقِسْطِ وَلَا تُخْسِرُوا۟ ٱلْمِيزَانَ.

55:9. மனித சமுதாயமே! நீ உன் சமுதாயத்தில் பொருளாதாரம் மற்றும் சமூக சமன்பாட்டை(Socio-economic Balance) ஏற்படுத்து.. அதில் ஒருபோதும் ஏற்றத்தாழ்வோ அநீதியோ ஏற்படாதவாறு சமுதாயத்தை கட்டிக் காப்பாற்று.

وَٱلْأَرْضَ وَضَعَهَا لِلْأَنَامِ.

55:10. இந்த பூமியில் விளையும் உணவு வகைகள் யாவும் அனைத்து உயிரினங்களுக்காகவுமே ஆகும். எனவே அவற்றை அனைவருக்கும் கிடைக்கும்படி பொது உடமை ஆக்கு.

فِيهَا فَٰكِهَةٌۭ وَٱلنَّخْلُ ذَاتُ ٱلْأَكْمَامِ.

55:11. அந்த உணவு வகைகளில் ருசி மிக்க கனி வகைகளும், பாளையுடைய பேரீத்த மரங்களும் அடங்கும்.

وَٱلْحَبُّ ذُو ٱلْعَصْفِ وَٱلرَّيْحَانُ.

55:12. தொலிகள் பொதிந்த தானிய வகைகளும், நறுமணம் மிக்க செடிகளும் அவற்றில் அடங்கும்.
எனவே இறைவழிகாட்டுதலின் படி சமச்சீரான சமூக அமைப்பை ஏற்படுத்தவில்லை என்றால், மக்களுள் சுயநலப் போக்கு வளர்ந்து, வாழ்வாதாரங்களையும் செல்வங்களையும் இயன்றவரையில் குவிப்பதிலேயே குறியாய் இருப்பார்கள். இதனால் சமூக சமன்பாடு சீர்குலைந்து நலிந்த மக்கள் அவதிக்குள்ளாவார்கள். எனவேதான் இறைவனின் வழிகாட்டுதலை மக்களுக்கு கற்றுக் கொடுத்து அதன்படி சிறப்பாக வாழ இந்த குர்ஆன் வலியுறுத்துகிறது. உலகில் மனிதன் சிறப்பாக வாழவேண்டும் என்பதற்காகவே எண்ணற்ற அருட்கொடைகளை இறைவன் ஏற்படுத்தியுள்ளான்.